Imbokodo

Ngoba uyimbokodo
Itshe ekudala linethwa izimvula, liphephethwa iziphepho
Wena uyisikhali samavaka
Ngiyaye ngimangale usuvumbuka emadolobheni abomthetho besimele ngenjoloba
Yeyi wena mbokodo!
Mina ngiyabuncoma ubuhle bakho
Ngiyakubona usuyindilinga kahle engathi ibhola lombhoxo
Inqakala yami imhlophe nje, ukwenza kwakho mbokodo
Abantu baphila nje, izinyanga zigaya ngawe imithi yokubelapha
Iyababazeka imisebenzi yakho uma usukhulile
Phela usuke usuyidwala elingenakunyakaziswa, uyindlovu kayihlehli
Noxamu sebelethamela kuwena ilanga
Imifula ikugudla, omame bomisela kuwena izimpahla
Ngiyadabuka ngabakwenza khona ososayensi befuna ukwakha imigwaqo namadolobha
Mina ngiyakuthanda kanti futhi uyohlale uyimbokodo yekhethelo kimina