Mvelinqangi

Kakade ubuhlezi ungigadile, nguwe loyo
Imisebenzi yami emihle ibikhuthazwa ubukhulu bakho
Izindlela zami bezikhanyiswa nguwe
Shono bengenza okuhle njalo
Okuhle engikuvunile bekuniselwa nguwe
Uyibekile induku ebandla

Ongazi ngeke athi akaboni
imiphumela ayinaku fihlwa
Nansi nje ihleli obala
Ungigqugquzelile ebunzimeni
ungifundisile ngaze ngagogoda

bathi ababoni kanjani kucace bha
ngiyaziqhenya ngawe qhawe lami
ungibhulele amazolo
wayihlahla indlela
wahlehlisa kwasani
namhlanje ngiwuthwele umqhele wempumelelo

Ngidamane ngibuncoma ubuqotho bakho
Phela, yibo lobu obungiholele lapha
waze wayindoda emadodeni

ungizwe kahle angisho ukuthi akubanga nazingqinamba
kodwa yizo zona impela ezingenze lomuntu engiwuye